«Վարդարում» առաջին տպավորությունները շատ լավն են: Հատկապես դուր է գալիս թիմում տիրող մթնոլորտը:
Այս մասին NEWS.am Sport-ի թղթակցի հետ զրույցում ասաց մակեդոնական «Վարդարի» նորեկ Արտակ Դաշյանը: Հայաստանի հավաքականի թեկնածուն պատմեց մակեդոնական ակումբում առաջին տպավորությունների մասին:
Արտակ, միանգամի՞ց ընդունեցիր «Վարդարի» առաջարկը, թե՞ ունեիր այլ տարբերակներ:
Այո, միանգամից ընդունեցի: Կարծում եմ՝ եթե սպասեի, կլինեին նաեւ այլ առաջարկներ:
Առաջին մեկ ամսից հետո ինչպիսի՞ տպավորություններ ունես թիմից:
Տպավորությունները շատ լավն են: Հատկապես դուր է գալիս թիմում տիրող մթնոլորտը: Այն շատ լավն է:
Մակեդոնիայի առաջնությունը կհամեմատե՞ս Հայաստանի, Ուկրաինայի եւ Բահրեյնի առաջնությունների հետ:
Չեմ սիրում համեմատություններ անել, առավել եւս՝ այն առաջնությունների հետ, որտեղ հանդես եմ եկել: Ամեն տեղ կան առավելություններ ու թերություններ:
Ըստ քեզ՝ Մակեդոնիա տեղափոխվելը կնպաստի՞ քո՝ ավելի հաճախ Հայաստանի հավաքական հրավիրվելուն:
Չեմ կարող ասել՝ ավելի հաճախ կհրավիրվեմ, թե՝ ոչ: Ամեն բան կախված է իմ խաղից եւ մարզիչի որոշումից:
Վերա Մարտիրոսյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։