3 սուպերակումբներ կպայքարեն Մարկո Ռոյսի համար
16:51 30 հուլիսի, 2014Եվրոպական 3 սուպերակումբներ պայքարում են Գերմանիայի հավաքականի եւ Դորտմունդի «Բորուսիայի» կիսապաշտպան Մարկո Ռոյսին ձեռք բերելու համար:
Bild-ի համաձայն՝ 25-ամյա ֆուտբոլիստին ցանկանում են գնել անգլիական «Մանչեսթեր Յունայթեդը», կատալոնական «Բարսելոնան» ու Մյունխենի «Բավարիան»: Գերմանացու կլաուզուլան կազմում է 35 միլիոն եվրո:
Ավելի վաղ Ռոյսը հրաժարվել էր երկարաձգել «Բորուսիայի» հետ գործող պայմանագիրը, որն ուժի մեջ է մինչեւ 2016/2017 մրցաշրջանի ավարտը:
Գերմանիայի նախորդ առաջնություն Մարկո Ռոյսը մասնակցել է 30 խաղ՝ դառնալով 16 գոլի եւ 13 գոլային փոխանցման հեղինակ: Հայաստանի հավաքականի դեմ ընկերական խաղում ստացած վնասվածքի պատճառով նա բաց թողեց Բրազիլիայում կայացած աշխարհի առաջնությունը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։