Մեքսիկայի հավաքականի դարպասապահ Գիլերմո Օչոայի տեղափոխությունն իսպանական «Մալագա» կարող է ձախողվել քաղաքացիության պատճառով, հաղորդում է La Opinion de Malaga-ն:
Ֆրանսիական «Այաչոյի» նախկին ֆուտբոլիստը 2011-ին Ֆրանսիայի քաղաքացիություն ստանալու հայտ էր ներկայացրել, սակայն մինչեւ օրս չի ստացել պատասխան: 29-ամյա Օչոան դեռ Եվրամիության քաղաքացի չէ, իսկ «Մալագայում» լեգեոնականների համար բոլոր տեղերը զբաղված են: Նշվում է, որ իսպանական ակումբը ցանկանում է վարձավճարով այլ ակումբ ուղարկել պանամացի Ռոբերտո Չենային, որպեսզի Օչոայի տրանսֆերը դառնա հնարավոր:
Հիշեցնենք, որ այժմ Գիլերմո Օչոան ազատ խաղացողի կարգավիճակում է: Հուլիսի 1-ին նրա պայմանագիրն ավարտվել է «Այաչոյի» հետ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։