Անգլիական «Լիվերպուլի» ավագ Ստիվեն Ջերարդը հիշել է նախորդ առաջնության վերջնամասը, երբ լիվերպուլցիներն Անգլիայի չեմպիոնական տիտղոսը զիջեցին «Մանչեսթեր Սիթիին»:
«Հնարավոր է, որ դրանք կյանքիս 3 վատագույն ամիսներն էին: Այստեղ ավելացնելու ոչինչ չկա, սակայն դա չազդեց իմ վրա: Շարունակում եմ խաղալ ֆուտբոլ, ամեն բան անցյալում է: Այս տարի պետք է պայքարենք չեմպիոնական տիտղոսի համար եւ հնարավորինս լավ հանդես գանք Չեմպիոնների լիգայում: Մեզ սպասվում են կարեւոր խաղեր:
Երբ դու ավագ ես, չես կարող լինել ընկճված ու ճնշված: Յուրաքանչյուր ֆուտբոլիստ հետեւում է, թե ինչպես եմ ինձ դրսեւորում: Այդ պատճառով պետք է հնարավորինս շուտ ուշքի գամ»,- Ջերարդի խոսքը մեջբերում է Eurosport-ը:
Հիշեցնենք, որ ԱԱ-2014-ից հետո 34-ամյա կիսապաշտպանն ավարտել էր կարիերան Անգլիայի հավաքականում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։