400 մետր վազքատարածությունում ԱՄՆ-ի լավագույն մարզիկներից Տորին Լոուրենսը 25 տարեկանում մահացել է դժբախտ պատահարի հետեւանքով, տեղեկացնում է ESPN-ը:
Դեպքը տեղի է ունեցել Ֆլորիդայում: Լոուրենսը տուն վերադառնալիս է եղել իր ավտոմեքենայով եւ որոշել է ճանապարհին կանգ առնել զանգահարելու համար: Երբ ամերիկացին դուրս է եկել, մարզիկի հետեւից եկող բեռնատարը բախվել է նրա մեքենային: Աթլետը մահացել է տեղում:
2 ամիս առաջ Տորին Լոուրենսն ԱՄՆ-ի թիմի կազմում հաղթող էր ճանաչվել IAAF World Relays մրցաշարի 4х400 փոխանցումավազքում: Հուլիսին նա 400 մետրում սահմանել էր անձնական ռեկորդ՝ Բելգիայում կայացած մրցաշարում գրանցելով 45,32 վայրկյան արդյունք:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։