Ալեխանդրո Սաբելյան լքում է Արգենտինայի հավաքականը

Արգենտինայի հավաքականի գլխավոր մարզիչ Ալեխանդրո Սաբելյան երկրի ֆուտբոլի ֆեդերացիայի նախագահ Խուլիո Գրոնդոնեին հայտնել է, որ չի երկարաձգելու պայմանագիրը, տեղեկացնում է Ole-ն:

59-ամյա մասնագետը 2011-ից է գլխավորում Արգենտինայի հավաքականը, որի հետ այս տարի դարձավ աշխարհի փոխչեմպիոն: Սաբելյային փոխարինողի հավակնորդներից են Խերարդո Մարտինոն, Խոսե Պեկերմանը, Դիեգո Սիմեոնեն, Միգել Անխել Ռուսոն, Մաուրիսիո Պելեգրինին ու Ռամոն Դիասը:

Սեպտեմբերի 3-ին արգենտինացիներն ընկերական խաղ են անցկացնելու Գերմանիայի հավաքականի հետ, որին պարտվել էին Բրազիլիայում կայացած աշխարհի առաջնության եզրափակիչում: