Գեւորգ Ղազարյան. Մենք հրաշալի անցկացրինք երկրորդ խաղակեսը
20:48 28 հուլիսի, 2014Հունական «Օլիմպիակոսի» եւ Հայաստանի հավաքականի կիսապաշտպան Գեւորգ Ղազարյանը մեկնաբանել է International Champions Cup-ի երկրորդ տուրում անգլիական «Լիվերպուլի» հետ հանդիպումը:
«Դարպասը գրավելու շատ հնարավորություններ ստեղծեցինք: Հրաշալի անցկացրինք երկրորդ խաղակեսը: Վերջին րոպեներին մրցավարը երկու անգամ կարող էր 11 մետրանոց նշանակել մեր օգտին: Մենք պարտվեցինք, ինչը չի կարող չտխրեցնել: Սակայն, մենք դեռ մեկ հանդիպում էլ ունենք»,- Ղազարյանի խոսքը մեջբերում է «Օլիմպիակոսի» կայքը:
Ղազարյանն այդ խաղում անցկացրել է 64 րոպե: 50-րդ րոպեին նրա հարվածից հետո «Լիվերպուլին» գոլից փրկել է դարպասաձողը: Հունական թիմը պարտվել է 0:1 հաշվով:
Չիկագոյում ընթացող մրցաշարի երրորդ խաղում «Օլիմպիակոսի» մրցակիցը կլինի «Մանչեսթեր Սիթին»: Առաջին խաղում հունական ակումբը 3:0 հաշվով հաղթել էր «Միլանին»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։