Մոսկվայի ԲԿՄԱ-ն երկրորդ տարին անընդմեջ դարձավ ֆուտբոլի Ռուսաստանի սուպերգավաթակիր:
Սուպերգավաթի խաղում Ռուսաստանի չեմպիոնը 3:1 հաշվով կամային հաղթանակ տարավ երկրի գավաթակիր «Ռոստովի» նկատմամբ:
Կրասնոդարի «Կուբան» ստադիոնում կայացած խաղում ռուստովցիներն առաջին խաղակեսից հետո առջեւում էին հաշվի մեջ, սակայն 56-րդ րոպեին շվեդ կիսապաշտպան Պոնտուս Վերնբլումը խփեց ԲԿՄԱ-ի պատասխան գոլը: Քիչ անց 2 րոպեում խաղադաշտից հեռացվեցին «Ռոստովի» ֆուտբոլիստներ Ալեքսանդր Գացկանն ու Կանգան, իսկ բանակայիններն օգտվեցին քանակական առավելությունից: 76-րդ րոպեին սերբ կիսապաշտպան Զորան Տոշիչը խփեց Մոսկվայի թիմի երկրորդ գոլը, իսկ քիչ անց կոտդիովուարցի հարձակվող Սեյդու Դումբիան վերջակետ դրեց խաղին:
ԲԿՄԱ-ն Ռուսաստանի սուպերգավաթակիր դարձավ ռեկորդային՝ 6-րդ անգամ:
Ռուսաստանի Սուպերգավաթ
ԲԿՄԱ - «Ռոստով»՝ 3:1
Պոնտուս Վերնբլում, 56, Զորան Տոշիչ, 76, Սեյդու Դումբիա, 80 – Հրվոե Միլիչ, 37
Հեռացումներ՝ Ալեքսանդր Գացկան, 61, Կանգա, 63 (երկուսն էլ՝ «Ռոստով»)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։