Մոուրինյո. Դրոգբան նոր պատմություն գրելու համար է վերադարձել
21:40 25 հուլիսի, 2014Դիդյե Դրոգբան վերադարձավ մեր ակումբ, քանի որ նա Եվրոպայի լավագույն հարձակվողներից մեկն է, ասել է Լոնդոնի «Չելսիի» պորտուգալացի գլխավոր մարզիչ Ժոզե Մոուրինյոն՝ մեկնաբանելով կոտդիվուարցի հարձակվողի հետ մեկ տարվա պայմանագիր կնքելը:
«Ես շատ լավ գիտեմ Դիդյե Դրոգբային: Նա չի վերադառնում նախկինում պատմություն ունենալու պատճառով: Նա եկել է նոր պատմություն գրելու համար»,- Մոուրինյոյի խոսքը մեջբերում է «Չելսիի» կայքը:
36-ամյա ֆուտբոլիստը «Չելսիի» կազմում դարձել է Անգլիայի եռակի չեմպիոն, Չեմպիոնների լիգայի գավաթակիր եւ Անգլիայի քառակի գավաթակիր:
Սպասվում է, որ Դիդյե Դրոգբան հետագայում կընդգրկվի «Չելսիի» մարզչական շտաբում: Անցած մրցաշրջանում Դրոգբան հանդես էր գալիս թուրքական «Գալաթասարայում»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։