Դրոգբան մեկ տարվա պայմանագիր կնքեց «Չելսիի» հետ
21:03 25 հուլիսի, 2014Կոտդիվուարցի հարձակվող Դիդյե Դրոգբան մեկ տարվա պայմանագիր է կնքել Լոնդոնի «Չելսիի» հետ, հաղորդում է անգլիական ակումբի պաշտոնական կայքը:
«Սա հեշտ որոշում էր: Ես չէի կարող հրաժարվել Ժոզե Մոուրինյոյի հետ դարձյալ աշխատելու հնարավորությունից: Ես հատուկ հարաբերություններ ունեմ «Չելսիի» հետ: Այստեղ ես տանն եմ»,- նշել է Դրոգբան:
36-ամյա ֆուտբոլիստը «Չելսիի» կազմում դարձել է Անգլիայի եռակի չեմպիոն, Չեմպիոնների լիգայի գավաթակիր եւ Անգլիայի քառակի գավաթակիր:
Սպասվում է, որ Դիդյե Դրոգբան հետագայում կընդգրկվի «Չելսիի» մարզչական շտաբում: Անցած մրցաշրջանում Դրոգբան հանդես էր գալիս թուրքական «Գալաթասարայում»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։