ՖԻՖԱ-ի նախագահը դեմ է ԱԱ-ի մասնակիցների թվի ավելացմանը
20:14 25 հուլիսի, 2014Ֆուտբոլի միջազգային ֆեդերացիայի նախագահ Յոզեֆ Բլատերը դեմ է աշխարհի առաջնության եզրափակիչ մրցաշարի մասնակիցների թիվը 32-ից մինչեւ 40 հասցնելը: 2013-ին այդ առաջարկով հանդես էր եկել ՈւԵՖԱ-ի նախագահ Միշել Պլատինին:
«Եթե դուք ցանկանում եք ունենալ ամենաբարձր որակի արդյունք, ապա ոչինչ պետք չէ փոխել: ՖԻՖԱ-ն միշտ քայլել է ֆուտբոլի զարգացմանը համընթաց: Հասկանալի է, որ կոնֆեդերացիաները ցանկանում են ուղեգրերի թվի ավելացում: Բայց դա սխալ ուղի է»,- Բլատերի խոսքը մեջբերում է FIFA Weekly-ն:
Աշխարհի առաջնության եզրափակիչ մրցաշարի մասնակիցների թիվը 16-ից 24 դարձավ 1982 թվականին, իսկ 1998-ին այդ թիվը հասավ 32-ի: Սակայն հետագա աճն անհնար է, քանի որ մրցաշարը մեկ ամսից ավելի կտեւի, բացի այդ կընկնի հավաքականների խաղամակարդակը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։