Անչելոտի. Կրոսի եւ Ռոդրիգեսի տրանսֆերներից հետո «Ռեալում» կմեծանա մրցակցությունը
14:13 25 հուլիսի, 2014Ակումբի ղեկավարությունը գերազանց աշխատանք է կատարել՝ ձեռք բերելով երկու ֆուտբոլիստների, ովքեր կուժեղացնեն թիմը, ասել է Մադրիդի «Ռեալի» գլխավոր մարզիչ Կարլո Անչելոտին։ Իտալացի մասնագետը հայտարարել է, որ գերմանացի կիսապաշտպան Տոնի Կրոսի եւ կոլումբացի Խամես Ռոդրիգեսի տրանսֆերներից հետո Արքայական ակումբում կմեծանա մրցակցությունը։
«Կրոսը եւ Ռոդրիգեսը հանդես են գալիս տարբեր դիրքերում։ «Ռեալին» հարկավոր չէ նոր աջ պաշտպան, քանի որ ունենք Կարվախալի եւ Արբելոայի նման ֆուտբոլիստներ։ Դի Մարիան շարունակում է մնալ «Ռեալի» խաղացող։ Պարզ է, որ Կրոսի եւ Ռոդրիգեսի տեղափոխությունից հետո թիմում կմեծանա մրցակցությունը։
Սակայն մրցակցություն կա բոլոր մեծ ակումբներում։ Չեմպիոնների լիգայի 10-րդ գավաթը շատ կարեւոր էր մեզ համար։ Մտադիր ենք շարունակել նվաճել տիտղոսներ։ Շատ գոհ ենք»,- Անչելոտիի խոսքը մեջբերում է իսպանական ակումբի պաշտոնական կայքը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։