Անչելոտին հաջորդ մրցաշրջանում չի կիրառի դարպասապահների ռոտացիա
13:31 25 հուլիսի, 2014Մադրիդի «Ռեալի» գլխավոր մարզիչ Կարլո Անչելոտին հայտարարել է, որ ֆուտբոլի Իսպանիայի առաջնության մեկնարկից առաջ որոշում կկայացնի հիմնական դարպասապահի վերաբերյալ։ Իտալացի մասնագետը հայտարարել է, որ հաջորդ մրցաշրջանում չի կիրառի դարպասապահների ռոտացիա։
«Կեյլոր Նավասն այս պահին «Ռեալի» ֆուտբոլիստ չէ։ Նախապատրաստվում ենք հաջորդ մրցաշրջանին, եւ Իկեր Կասիլյասը սկսել է մարզվել։ Մեզ համար դարպասապահների հարցը խնդիր չէ։ Նախորդ մրցաշրջանում շատ էին խոսում այդ մասին, սակայն չէի լսում դրանք։
Պրիմերայի մեկնարկից առաջ կորոշեմ, թե ով կլինի թիմի հիմնական դարպասապահը»,- Անչելոտիի խոսքը մեջբերում է AS-ը։
Հիշեցնենք, որ նախորդ մրցաշրջանում Իկեր Կասիլյասը «Ռեալի» դարպասը պաշտպանում էր Իսպանիայի գավաթի խաղարկությունում եւ Չեմպիոնների լիգայում, իսկ Դիեգո Լոպեսը՝ Պրիմերայում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։