Ակնհայտ է, որ նոր թիմում հարմարվելը բարդ է։ Ամենակարեւորն այն է, որ գտնես տեղդ խաղադաշտում, ասել է Մադրիդի «Ռեալի» ուելսցի կիսապաշտպան Գարեթ Բեյլը՝ խոսելով Արքայական ակումբի նորեկ, Կոլումբիայի հավաքականի կիսապաշտպան Խամես Ռոդրիգեսի մասին։
«Երբ տեղափոխվում ես «Ռեալ», այստեղ հանդիպում ես աշխարհի լավագույն ֆուտբոլիստներին։ Հույս ունեմ, որ Խամեսը «Ռեալում» կանի այն, ինչ աշխարհի առաջնության ժամանակ։
Ռոդրիգեսը լավ ձեռքբերում է մեզ համար, եւ նրա տրանսֆերի մասին որոշումը կայացրել է մարզիչը։ Պետք է ջանք չխնայենք հիմնական կազմում տեղ գտնելու համար»,- Բեյլի խոսքը մեջբերում է AS-ը։
Հիշեցնենք, որ ԱԱ-2014-ի լավագույն ռմբարկուն իսպանական ակումբի հետ կնքել է 6 տարվա պայմանագիր։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։