Անտոնիո Կոնտե. Համաձայնության չեմ եկել ՊՍԺ-ի հետ

22:55   23 հուլիսի, 2014

Թուրինի «Յուվենտուսի» նախկին գլխավոր մարզիչ Անտոնիո Կոնտեն հերքել է ֆրանսիական ՊՍԺ-ն գլխավորելու մասին լուրերը, փոխանցում է Football Italia-ն։

«Կարդացել եմ հոդվածները, որ «մտերիմներս» համաձայնության են եկել ՊՍԺ-ի հետ։ Դա սուտ է։ Ոչ մի ներկայացուցիչ եւ գործակալ չունեմ։ Այդ պատմություններն իրականության հետ կապ չունեն»,- ասել է իտալացի մասնագետը։

Հիշեցնենք, որ Կոնտեն հուլիսի 15-ին խզել էր պայմանագիրն «Յուվենտուսի» հետ։

Ավելի վաղ հաղորդվում էր, որ 44-ամյա մասնագետը կարող է գլխավորել «Միլանը» կամ Իտալիայի հավաքականը։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։