Ինձագին մարտավարական փորձարկումներ է կատարում «Միլանում»

Իտալական «Միլանի» գլխավոր մարզիչ Ֆիլիպո Ինձագին օգտագործում է ամերիկյան շրջագայությունը՝ մարտավարական փորձարկումներ անելու համար, հաղորդում է Football Italia-ն։ 

Իտալացի մասնագետը ցանկանում է, որպեսզի թիմը զարգացնի մարտավարական ճկունությունը։ «Միլանի» հիմնական խաղային սխեման 4-3-3-ն է, սակայն հնարավոր է նաեւ 4-4-2 տարբերակի կիրառումը։ Այդ դեպքում եզրում հանդես կգան Ստեֆան Էլ Շարավին կամ Ժերեմի Մենեզը, իսկ մյուսում՝ Անդրեա Պոլին։

Բացի այդ, Ինձագին ցանկանում է փորձարկել նաեւ 4-2-3-1 սխեման, որում Էլ Շարավին, Մենեզը եւ Մարիո Բալոտելին հանդես կգան Ջամպաոլո Պացինիի հետեւում։