«Մոնակոն» ցանկանում է ձեռք բերել Լոպեսին, սակայն նա մտադիր չէ հեռանալ «Ռեալից»

10:06   22 հուլիսի, 2014

«Մոնակոյի» մարզչական շտաբը հետաքրքրվում է Մադրիդի «Ռեալի» իսպանացի դարպասապահ Դիեգո Լոպեսի ծառայություններով, հաղորդում է Marca-ն։

Կոլումբացի կիսապաշտպան Խամես Ռոդրիգեսի շուրջ ակումբների բանակցությունների ժամանակ Ֆրանսիայի փոխչեմպիոնի ղեկավարությունը փորձում էր գործարքի մեջ ընդգրկել նաեւ Լոպեսին։ Սակայն Արքայական ակումբը մերժել է այդ առաջարկը։ Դարպասապահը մտադիր չէ հեռանալ «Ռեալից»։

Հիշեցնենք, որ իսպանական ակումբը մտադիր է ձեռք բերել «Լեւանտեի» կոստառիկացի դարպասապահ Կեյլոր Նավասին, ով պետք է հիմնական կազմի տեղի համար մրցակցի Իկեր Կասիլյասի հետ։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։