Բրազիլացի Դունգան երկրորդ անգամ գլխավորեց ֆուտբոլի աշխարհի հնգակի չեմպիոն Բրազիլիայի հավաքականը: 50-ամյա մասնագետը նոր պաշտոնում կներկայացվի հուլիսի 22-ին, գրում է O Globo-ն:
Դունգայի թեկնածությունն առաջարկել են ինչպես Բրազիլիայի ֆուտբոլի կոնֆեդերացիայի ղեկավար Ժոզե Մարիա Մարինը, այնպես էլ կազմակերպության ապագա նախագահ Մարկո Պոլո դել Ներոն:
Բրազիլացի մասնագետն իր երկրի ազգային թիմը գլխավորել է նաեւ 2006-2010-ը՝ այդ ընթացքում հաղթելով Ամերիկայի Գավաթում եւ Կոնֆեդերացիաների Գավաթում:
Բրազիլիայի հավաքականի գլխավոր մարզիչի պաշտոնում Դունգան կփոխարինի Լուիշ Ֆելիպե Սկոլարիին, ով հեռացել էր աշխարհի 2014թ. առաջնությունից հետո: Ֆուտբոլային կարիերայի ընթացքում Դունգան ազգային թիմում խաղացել է 1982-1998-ը՝ 91 խաղում խփելով 6 գոլ: 2012-2013-ը նա գլխավորել է նաեւ բրազիլական «Ինտերնասիոնալը»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։