Հայ բռնցքամարտիկները մեդալներ են նվաճել Սերբիայում

Բռնցքամարտի Հայաստանի երիտասարդական հավաքականն ավարտեց ելույթները Սերբիայում կայացած «Նովի Սադ» անվանումը կրող միջազգային մրցաշարում:

Հայաստանի 9 ներկայացուցիչներից 6-ը նվաճեցին մեդալներ։ 51 կգ քաշային կարգում մրցաշարի հաղթող դարձավ աշխարհի չեմպիոն Անուշ Գրիգորյանը, ով եզրափակիչում վստահ հաղթանակ տարավ հնդկուհի Կանու Կոնտհուջամիի նկատմամբ։

Արծաթե մեդալներ նվաճեցին 69 կգ քաշային Տիգրան Մելքոնյանը եւ 81 կգ քաշային Նարեկ Մանասյանը։ Բրոնզե մեդալների արժանացան Սպարտակ Թամարյանը (56 կգ), Արմեն Մխիթարյանը (64 կգ) եւ գերծանր քաշային Գնել Մուրադյանը, փոխանցում են Հայաստանի բռնցքամարտի ֆեդերացիայից։