Արթուր Սարկիսովի գոլը հաղթանակ չբերեց «Վոլգային»
18:22 12 հուլիսի, 2014Ֆուտբոլի Ռուսաստանի առաջին դիվիզիոնի առաջնության երկրորդ տուրում Նիժնի Նովգորոդի «Վոլգան» Յարոսլավլում ոչ ոքի խաղաց «Շիննիկի» հետ՝ 1:1:
«Վոլգայի» կազմում խաղի հաշիվը 21-րդ րոպեին բացեց Հայաստանի հավաքականի հարձակվող Արթուր Սարկիսովը, ով գրավեց իր նախկին թիմի դարպասը: Սա 27-ամյա ֆուտբոլիստի առաջին գոլն էր նոր մրցաշրջանում: Սարկիսովը մեկնարկային կազմում խաղաց 65 րոպե՝ խաղադաշտում տեղը զիջելով Արթուր Մինոսյանին: «Շիննիկը» պարտությունից խուսափեց ավելացված ժամանակում խփած գոլի շնորհիվ:
Արթուր Սարկիսովը «Շիննիկում» վարձավճարով խաղացել է 2010-2011-ը: «Վոլգան» ունի 4 միավոր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։