Լուիս Սուարեսը «Բարսելոնայում» բաց կթողնի 10-ից ավելի հանդիպում
23:47 11 հուլիսի, 2014Աշխարհի առաջնության խմբային փուլի խաղում Իտալիայի հավաքականի պաշտպան Ջորջո Կյելինիի ուսը կծելու համար չորս ամսով ֆուտբոլից հեռացված Լուիս Սուարեսը չի կարողանա մասնակցել «Բարսելոնայի» մասնակցությամբ 12 հանդիպումների:
«Լիվերպուլից» կատալոնական ակումբ տեղափոխված Լուիս Սուարեսի որակազրկումն ավարտվում է հոկտեմբերի 26-ին: Նա կկարողանա խաղալ Իսպանիայի առաջնության 10-րդ տուրում: Չեմպիոնների լիգայի խմբային մրցաշարում առաջին հանդիպումը Սուարեսը կարող է անցկացնել միայն նոյեմբերի 4-ին՝ չորրորդ տուրում: Ստացվում է, որ Ուրուգվայի հավաքականի հարձակվողը «Բարսելոնայում» բաց կթողնի 9 խաղ Իսպանիայի առաջնությունում եւ 3 խաղ՝ Չեմպիոնների լիգայում:
Լուիս Սուարեսը եւ Ուրուգվայի ֆուտբոլի ֆեդերացիան փորձելու են որակազրկումը բողոքարկել Լոզանի մարզական վճռաբեկ դատարանում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։