Վենգեր. Բրազիլիայում Ալեքսիս Սանչեսն ապացուցեց, որ ֆանտաստիկ ֆուտբոլիստ է
00:26 11 հուլիսի, 2014Աշխարհի առաջնության ժամանակ շատեր տեսան, թե ինչպիսի ֆանտաստիկ ֆուտբոլիստ է Ալեքսիս Սանչեսը, հայտարարել է Լոնդոնի «Արսենալի» ֆրանսիացի գլխավոր մարզիչ Արսեն Վենգերը՝ մեկնաբանելով Չիլիի հավաքականի եւ «Բարսելոնայի» հարձակվող տեղափոխությունն անգլիական ակումբ:
«Մենք շատ ուրախ ենք, որ նա միացավ մեզ: Ալեքսիսը հզորություն, կրեատիվ միտք կավելացնի եւ «Արսենալի» խաղը կդարձնի ավելի որակյալ: Մենք բոլորս անհամբեր սպասում էինք այս տրանսֆերին մի քանի շաբաթ: Նա մի քանի բարձրակարգ մրցաշրջան է անցկացրել ամենաբարձր մակարդակում, եւ բոլորս ուրախ ենք նրան տեսնել «Արսենալում»: Ես վստահ եմ, որ մեր ակումբի բոլոր երկրպագուները կմիանան իմ խոսքերին»,- Արսեն Վենգերի խոսքը մեջբերում է «Արսենալի» կայքը:
Իսպանիայի անցած առաջնությունում Սանչեսը խփել է 19 գնդակ, կատարել է 12 արդյունավետ փոխանցում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։