ՖԻՖԱ-ն պատժեց նիգերիացիներին

ՖԻՖԱ-ն ֆուտբոլի Նիգերիայի հավաքականին ժամանակավորապես արգելել է մասնակցել միջազգային մրցաշարերի, հայտնում է կազմակերպության կայքը:

Պատճառը Նիգերիայի ֆուտբոլի ֆեդերացիայի նախագահ Ամին Մայգարիի հեռացումն է: Նրան Նիգերիայի սպարտի նախարարը պաշտոնանկ էր արել ԱԱ-2014-ի 1/8 եզրափակիչում ֆրանսիացիներից կրած պարտության համար:

ՖԻՖԱ-ում կարծում են, որ երկրի ղեկավարությունը պետք է չմիջամտի ֆոււտբոլի ֆեդերացիայի գործերին:

ՖԻՖԱ-ն նմանատիպ խախտման համար նիգերիացիներին ցանկանում էր պատժել նաեւ 2010-ին, երբ երկրի նախագահ Գուդլակ Ջոնաթանը ստիպված եղավ վերադարձնել ֆուտբոլի ֆեդերացիայի նախագահին: