«Աստանայի» մարզիչ. «Փյունիկն» ունի բավականաչափ ուժեղ կողմեր
20:01 9 հուլիսի, 2014Ղազախական «Աստանայի» գլխավոր մարզիչ Ստանիմիր Ստոյլովը խոսել է Երեւանի «Փյունիկի» դեմ ֆուտբոլի Եվրոպայի լիգայի որակավորման առաջին փուլի պատասխան խաղի մասին:
«Կարեւոր է, որ մեր տղաները մոռանան առաջին խաղի արդյունքը: Վաղը կլինի նոր հանդիպում: Եթե հույսներս դնենք առաջին խաղում ստացած առավելության վրա, ապա կարող ենք ունենալ խնդիրներ: Պետք է խաղադաշտում ներդնել բոլոր ուժերը:
Հայկական թիմն ունի բավականաչափ ուժեղ կողմեր: «Փյունիկը» երիտասարդ թիմ է, որը խաղում է կոմբինացիոն ֆուտբոլ: Եթե մենք խաղանք մեր ֆուտբոլը եւ գտնենք մրցակցի թույլ կողմերը, ապա կունենանք բոլոր շանսերը վաղվա խաղում հաջողության հասնելու համար»,- Ստոյլովի խոսքը մեջբերում է sports.kz-ն:
Հիշեցնենք, որ Երեւանում կայացած առաջին խաղում «Փյունիկը» պարտվել է 1:4 հաշվով: Պատասխան հանդիպումը կկայանա հուլիսի 10-ին Աստանայում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։