Բռնցքամարտի Հայաստանի մեծահասակների հավաքականը հուլիսի 4-ից թիմի գլխավոր մարզիչ Դավիթ Թորոսյանի գլխավորությամբ հավաք է անցկացնում Ծաղկաձորում: Հավաքին մասնակցում են 24 բռնցքամարտիկներ, որոնցից 4-ը աղջիկներ են:
Ծաղկաձորյան հավաքի հիմնական նպատակը ֆիզիկական եւ տեխնիկական պատրաստվածության մակարդակը բարձրացնելն է: Մարզիկներն անցկացնում են օրական երկու մարզում:
Հավաքի ընթացքին անձամբ հետեւում է Հայաստանի բռնցքամարտի ֆեդերացիայի նախագահ Արթուր Գեւորգյանը:
Հայաստանի հավաքականի գլխավոր մարզիչ Դավիթ Թորոսյանն ընդգծեց, որ հավաքն անցնում է ծրագրվածի պես:
«Ճիշտ է, Եվրոպայի եւ աշխարհի առաջնություն չի լինելու, սակայն մենք ունենք միջազգային մրցաշարեր, որոնց մեր տղաները կմասնակցեն: Այդ մրցաշարերի ընթացքում կձեւավորվի թիմը, որը կպայքարի Ռիո-2016-ի ուղեգրերի համար: Բռնցքամարտում միջազգային մրցաշարերը թույլ կամ ցածր մակարդակի չեն լինում: Մենք ամեն ինչին լուրջ ենք մոտենում:
Օրինակ՝ Սերբիայի ու Լեհաստանի միջազգային մրցաշարին մասնակցում էին աշխարհի եւ Եվրոպայի չեմպիոններ եւ մեր բռնցքամարտիներից ոմանք հաղթեցին նրանց: Մենք ավելի լուրջ ենք, քան կարծում են:
Ինչ վերաբերում է առաջին վեց ամսին, ապա կարծում եմ, որ գլխավոր մարզիչը երբեք չի կարող միանշանակ գոհ լինել, սակայն ասեմ, որ գոհունակության նշաններ կան: Կարծում եմ՝ այս հավաքներից եւ մրցաշարերից հետո կունենանք այն դրական արդյունքը, որը մենք ակնկալում ենք»,- ասաց Թորոսյանը:
Շուշանիկ Հակոբյան
Ֆոտո՝ NEWS.am Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։