Բրիտանական Daily Mirror-ը ներկայացրել է այն 10 ֆուտբոլիստներին, ովքեր կարող են «Լիվերպուլում» փոխարինել Լուիս Սուարեսին, եթե ուրուգվայցի հարձակվողը որոշի հեռանալ անգլիական ակումբից։
Նրանց թվում է նաեւ Դորտմունդի «Բորուսիայի» եւ Հայաստանի հավաքականի կիսապաշտպան Հենրիխ Մխիթարյանը։
«Հայ ֆուտբոլիստը «Բորուսիայում» անցկացրած մեկնարկային մրցաշրջանում դարձել է 11 գոլի հեղինակ։ Այժմ «Լիվերպուլը» վերադարձել է Չեմպիոնների լիգա եւ կարող է կրկին փորձել ձեռք բերել նրան»,- գրում է կայքը։
Հիշեցնենք, որ անգլիական ակումբը Մխիթարյանին ցանկանում էր ձեռք բերել նաեւ 2013-ի ամռանը, սակայն 25-ամյա ֆուտբոլիստն ընտրեց «Բորուսիան»։
«Լիվերպուլը» Սուարեսի տրանսֆերի շուրջ բանակցում է կատալոնական «Բարսելոնայի» հետ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։