Արցախի Հադրութ քաղաքում մայիսի 31-ին տեղի կունենա հերթական ֆուտբոլային մրցաշարը:
Մոսկվայաբնակ գործարար, բարերար Արմեն Բարխուդարյանն առաջին անգամ չէ իր հայրենի Հադրութում ֆուտբոլային մրցաշար անցկացնում: 2012-ին նա Արցախ էր հրավիրել 1990-ի աշխարհի առաջնության լավագույն ռմբարկու Սալվատորե Սկիլաչիին: Մրցաշարն ուներ էր նաեւ բարեգործական նպատակ. բազմաթիվ ընտանիքներ դրամական օգնություն ստացան:
Այս անգամ ֆուտբոլային մրցաշարին մասնակցելու է 10 թիմ` 8-ը Արցախի շրջաններից, երկուսը՝ Մոսկվայից։ Ռուսաստանի մայրաքաղաքից ժամանել է Բարխուդարյանի «Դիզակ» թիմը եւ ռուսական «ՆՏՎ Պլյուս» հեռուստաալիքի եւ «Ռադիո Սպորտի» լրագրողները, որոնց ավագը մեկնաբան Նոբել Առուստամյանն է:
Ռուս լրագրողների թիմը առաջին անգամ է մասնակցում մրցաշարի Ռուսաստանից դուրս: Ըստ Նոբել Առուստամյանի՝ նա է առաջարկել տղաներին մեկնել Արցախ, բայց չէր պատկերացնում, որ այդքան արագ եւ դրական արձագանք կստանա: Իսկ Նոբելի համար այս այցելությունը յուրահատուկ նշանակություն ունի, քանի որ նրա նախնիները Հադրութից են:
Խաղերը տեղի են ունենալու մայիսի 31-ին Հադրութի նորաստեղծ խաղադաշտում, որը կառուցվել է Հայաստանի ֆուտբոլի ֆեդերացիայի աջակցությամբ:
NEWS.am Sport-ը մրցաշարը լուսաբանում է Հադրութից։
Վերա Մարտիրոսյան՝ Արցախից
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։