Դենիս Թումասյան. Հնարավոր է՝ ինձ չկանչեցին Հայաստանի հավաքական, քանի որ լավ մարզավիճակում չէի
10:46 12 մայիսի, 2014«Շատ ուրախ եմ, որ եղբորս հրավիրեցին Հայաստանի հավաքական: Ինձ համար դա անակնկնալ չէր, քանի որ Շալանդը հարցնում էր իր մասին եւ ասել էր, որ հրավիրելու է»։
Այս մասին NEWS.am Sport-ի թղթակցի հետ զրույցում ասաց Եկատերինբուրգի «Ուրալի» պաշտպան Դենիս Թումասյանը։
«Նախորդ ամիս ես հանդիպել էի Բեռնար Շալանդի հետ եւ նա ինձ ասաց, որ կհրավիրի ինձ Հայաստանի ազգային հավաքական: Նա իմ խաղին հետեւել չէր կարող, քանի որ վնասվածքից հետո երկար ժամանակ հիմնական կազմում հանդես չեմ գալիս:
Հնարավոր է՝ ինձ չկանչեցին հավաքական, քանի որ լավ մարզավիճակում չէի: Գուցե, երբ լինեմ ավելի լավ մարզավիճակում, ինձ հրավիրեն: Տեսնենք»,- ասել է 29-ամյա պաշտպանը։
Հիշեցնենք, որ Հայաստանի հավաքականի գլխավոր մարզիչ Բեռնար Շալանդն առաջին անգամ հրավիրել էր ֆինլանդական «Յարոյի» հենակետային կիսապաշտպան Ալեքսանդր Թումասյանին։
Վերա Մարտիրոսյան
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։