ՄՕԿ-ը խուճապի մեջ է. Ռիո-2016-ի տապալման դեպքում դիտարկվում է Լոնդոնի տարբերակը
13:40 10 մայիսի, 2014Միջազգային օլիմպիական կոմիտեի պաշտոնյաները գաղտնի բանակցել են 2012թ. ամառային Օլիմպիական խաղերի մայրաքաղաք Լոնդոնի ներկայացուցիչների հետ 2016թ. Խաղերը Ռիո դե Ժանեյրոյում տապալվելու դեպքում այն Մեծ Բրիտանիայի մայրաքաղաքում անցկացնելու հնարավորությունը, հաղորդում է Тhe Evening Standard-ը:
Հարցման նպատակը եղել է Լոնդոնի օլիմպիական կառույցների եւ ենթակառուցվածքի պատրաստ լինելու աստիճանը պարզելը: 2012թ. Խաղերից հետո Լոնդոնի որոշ օլիմպիական կառույցներ ապամոնտաժվել են, մի քանիսը անցել են ոչ մարզական, հանրային նպատակների սպասարկման:
ՄՕԿ-ում խուճապային տրամադրություններ են: Խաղերի մեկնարկին մնացել է մոտ երկու տարի, սակայն աշխատանքների հսկայական մասը դեռ չի կատարվել: ՄՕԿ-ի փոխնախագահ Ջոն Քոութսը ավելի վաղ նշել էր, որ Ռիո Դե Ժանեյրոյի Խաղերի նախապատրաստական փուլը վատագույնն է օլիմպիական պատմության մեջ: Կատարվել է աշխատանքի 10 տոկոսը: 2004թ. Խաղերի մեկնարկից երկու տարի առաջ Աթենքը կատարել էր աշխատանքի 40 տոկոսը, իսկ Լոնդոնը մեկնարկից երկու տարի առաջ՝ 60 տոկոսը:
Սակայն Խաղերի տեղափոխման մասին ՄՕԿ-ը հրապարակային երբեք չի ակնարկել:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։