Ընթացիկ մրցաշրջանն անցումային էր «Չելսիի» համար, Լոնդոնում կայացած մամուլի ասուլիսում հայտարարել է լոնդոնյան թիմի պորտուգալացի գլխավոր մարզիչ Ժոզե Մոուրինյոն:
«Ամառային տրանսֆերային պատուհանի ժամանակ մեր ակումբը կպահպանի հանգստությունը եւ կավարտի մի երկու կարեւոր տեղափոխություն: Ընթացիկ մրաշրջանում թիմի նվաճումները համարում եմ բավարար: Մրցաշրջանն անցումային էր մեզ համար»,- Մոուրինյոյի խոսքը մեջբերում է «Չելսիի» թվիթերյան միկրոբլոգը:
Հիշեցնենք, որ Չեմպիոնների լիգայի կիսաեզրափակիչում «Չելսին» չկարողացավ հաղթահարել Մադրիդի «Աթլետիկոյի» արգելքը: Անգլիայի Պրեմյեր լիգայի ավարտից երկու տուր առաջ թիմն ընթանում է երկրորդ տեղում եւ ապահովել է առնվազն բրոնզե մեդալները:
Մայիսի 4-ին «Չելսին» Անգլիայի առաջնության նախավերջին տուրում կընդունի «Նորվիչին»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։