Գվարդիոլան առաջին անգամ պարտվեց «Սանտիագո Բերնաբեուում»
00:54 24 ապրիլի, 2014Ֆուտբոլի Չեմպիոնների լիգայի կիսաեզրափակիչի առաջին խաղում Մադրիդի «Ռեալից» կրած պարտությունը Մյունխենի «Բավարիան» գլխավորող Խոսեպ Գվարդիոլայի մարզչական կարիերայում առաջին անհաջողությունն էր «Սանտիագո Բերնաբեու» ստադիոնում, հայտնում է WhoScored.com-ը:
Ապրիլի 23-ին Գվարդիոլայի գլխավորած թիմը 8-րդ անգամ խաղաց Արքայական ակումբի ստադիոնում: Նախկինում կատալոնական «Բարսելոնան» Գվարդիոլայի գլխավորությամբ մադրիդյան «Սանտիագո Բերնաբեուում» անցկացրած 7 խաղերում տարել է 5 հաղթանակ՝ 2 անգամ խաղալով ոչ ոքի:
Հիշեցնենք, որ Չեմպիոնների լիգայի գործող գավաթակիրը Մադրիդում պարտվեց նվազագույն հաշվով: «Ռեալի» ու «Բավարիայի» միջեւ պատասխան խաղը կկայանա ապրիլի 29-ին Մյունխենում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։