Ֆուտբոլի Հայաստանի Բարձրագույն խմբի առաջնությունում ապրիլի 23-ին կայացան 27-րդ տուրից տեղափոխված բոլոր խաղերը։
Առաջատար «Արարատը» 0:0 հաշվով ավարտեց խաղը «Ալաշկերտի» հետ, իսկ «Փյունիկը» Սարգիս Բալոյանի դուբլի շնորհիվ Երեւանում հաղթեց Գյումրիի «Շիրակին»՝ 2:1:
Ավելի վաղ նախորդ 9 խաղերում միավորներ կորցրած «Գանձասարը» Կապանում 2։0 հաշվով հաղթել էր Երեւանի «Բանանցին», իսկ «Միկան» տանը 4 անպատասխան գնդակ էր ուղարկել հետնապահ «Ուլիսի» դարպասը։
Առաջնության ավարտից 5 տուր առաջ «Արարատի» եւ երկրորդ տեղում գտնվող «Բանանցի» միջեւ միավորների տարբերությունը հասավ 5-ի: «Միկան», շրջանցելով «Շիրակին», բարձրացավ երրորդ տեղ, բայց 6 միավոր զիջում է «Արարատին»:
Հայաստանի առաջնություն, 27-րդ տուր
«Փյունիկ» - «Շիրակ»՝ 2:1
Սարգիս Բալոյան, 14, 18 - Գեւորգ Հովհաննիսյան, 86
«Ալաշկերտ» - «Արարատ»՝ 0:0
«Միկա» - «Ուլիս»՝ 4։0
Անդրանիկ Ոսկանյան, 18, Ջերեմիա Ջոն, 38, 51, Վարդգես Սաթումյան, 59
«Գանձասար» - «Բանանց»՝ 2:0
Արթուր Ավագյան, 36, 74
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։