Աշխարհի առաջնություն. Անուշ Գրիգորյանը կպայքարի ոսկե մեդալի համար

15:23   23 ապրիլի, 2014

Բուլղարիայի մայրաքաղաք Սոֆիայում ընթացող բռնցքամարտի աշխարհի երիտասարդական առաջնությունում Հայաստանը ներկայացնող 51 կգ քաշային Անուշ Գրիգորյանը նվաճել է եզրափակիչի ուղեգիր։

Կիսաեզրափակիչում հայ մարզուհին մրցավարների միաձայն որոշմամբ՝ 40:36, 40:36, 40:36 հաշվով հաղթել է Ղազախստանը ներկայացնող Ալուա Բալկիբեկովային։ Ոսկե մեդալի համար Անուշ Գրիգորյանը կմրցի իտալուհի Իմրա Տեստայի հետ։ Եզրափակիչ մենամարտերը կկայանան ապրիլի 24-ին։

Հիշեցնենք, որ եզրափակիչի ուղեգրի համար կպայքարի նաեւ 81 կգ քաշային Նարեկ Մանասյանը։

(Լուսանկարը՝ Հայաստանի բռնցքամարտի ֆեդերացիայի նախագահ Արթուր Գեւորգյանի ֆեյսբուքյան էջից)

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։