Ի՞նչ կխնդրի Ժոզե Մոուրինյոն Ռոման Աբրամովիչից

12:31   23 ապրիլի, 2014

Լոնդոնի «Չելսիի» գլխավոր մարզիչ Ժոզե Մոուրինյոն մտադիր է ակումբի սեփականատեր Ռոման Աբրամովիչից թույլտվություն ստանալ Պրեմյեր լիգայի 36-րդ տուրի՝ «Լիվերպուլի» հետ խաղում ոչ մարտական կազմ դուրս բերել, փոխանցում է The Telegraph-ը։

Պորտուգալացի մասնագետը մտադիր է կենտրոնանալ Չեմպիոնների լիգայի վրա եւ հրաժարվել Անգլիայի չեմպիոնի կոչման համար պայքարից։ Ապրիլի 30-ին «Չելսին» եվրոպական ամենահեղինակավոր ակումբային մրցաշարի կիսաեզրափակիչի պատասխան հանդիպումը կանցկացնի Մադրիդի «Աթլետիկոյի» հետ։

Հիշեցնենք, որ Մադրիդում կայացած առաջին խաղում գոլեր չեն գրանցվել։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։