Փարիզի ՊՍԺ-ն չորրորդ անգամ դարձավ ֆուտբոլի Ֆրանսիական լիգայի գավաթի խաղարկության հաղթող:
Եզրափակիչում Ֆրանսիայի չեմպիոնը 2:1 հաշվով առավելության հասավ «Լիոնի» նկատմամբ: Առաջին խաղակեսում դուբլի հեղինակ դարձավ ՊՍԺ-ի ուրուգվայցի ռմբարկու Էդինսոն Կավանին: Ընդմիջումից հետո ֆրանսիացի կիսապաշտպան Ալեքսանդր Լակազեթը կրճատեց հաշվի տարբերությունը, սակայն լիոնցիներին չհաջողվեց անել ավելին:
Փարիզեցիները Ֆրանսիական լիգայի գավաթակիր դարձել էին նաեւ 1994/95, 1997/98, 2007/08 մրցաշրջաններում:
Ֆրանսիական լիգայի Գավաթ, եզրափակիչ
«Լիոն» - ՊՍԺ՝ 1:2
Ալեքսանդր Լակազեթ, 56 – Էդինսոն Կավանի, 3, 32 (11մ.)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։