«Մանչեսթեր Սիթին» պատրաստ է 300 միլիոն եվրո առաջարկել Մեսիի համար
14:10 19 ապրիլի, 2014Անգլիական «Մանչեսթեր Սիթին» պատրաստ է ֆրանսիական ՊՍԺ-ի հետ մրցավազքի մեջ մտնել «Բարսելոնայի» արգենտինացի հարձակվող Լիոնել Մեսիի համար: Երկու ակումբներն էլ ունեն արաբ սեփականատերեր: ՊՍԺ-ն պատրաստում էր 250 միլիոն եվրոյի առաջարկ, իսկ «Մանչեսթեր Սիթին» պատրաստ է 300 միլիոն եվրո առաջարկել, հաղորդում է manchestereveningnews-ը:
Հայտնի է, որ «Բարսելոնան» եւ Մեսին նոր պայմանագրի վերաբերյալ համաձայնության չեն հասնում: Հինգ տարվա համար Մեսին պահանջում է 400 միլիոն եվրո եւ իր անվան առեւտրային իրավունքի 100 տոկոսը:
Մեսին «Բարսելոնայում» հանդես է գալիս արդեն 11 տարի: Այս ընթացքում նա կատալոնական ակումբի հետ դարձել է Իսպանիայի վեցակի չեմպիոն, Չեմպիոնների լիգայի եռակի գավաթակիր: Մեսին աշխարհի առաջին ֆուտբոլիստն է, ով դարձավ «Ոսկե գնդակի» քառակի դափնեկիր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։