Եկատերինբուրգի «Ուրալը» 2։0 հաշվով հաղթել է Պերմի «Ամկարին» ֆուտբոլի Ռուսաստանի առաջնության 26-րդ տուրում։
Հանդիպման առաջին գնդակը 67-րդ րոպեին խփել է Հայաստանի հավաքականի թեկնածու Էդգար Մանուչարյանը։ Այդ գոլը երրորդն էր 27-ամյա հարձակվողի համար Ռուսաստանի ընթացիկ առաջնությունում։ Մանուչարյանը փոխարինվել է 76-րդ րոպեին՝ խաղադաշտում տեղը զիջելով Ալեքսանդր Ստավպեցին։ Եկատերինբուրգի թիմի կազմում երկրորդ գնդակը խփել է ռուսաստանցի կիսապաշտպան Վլադիմիր Խոզինը։
26-րդ տուրից հետո «Ուրալը» վաստակել է 27 միավոր եւ բարձրացել 10-րդ տեղ։ «Ամկարը» 40 միավորով 7-րդն է։
Ռուսաստանի առաջնություն, 26-րդ տուր.
«Ամկար» - «Ուրալ»՝ 0։2
Էդգար Մանուչարյան, 67, Վլադիմիր Խոզին, 83
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։