«Ռեալն» ամռանը 250 միլիոն եվրո է առաջարկել Մեսիի համար
10:33 18 ապրիլի, 2014Մադրիդի «Ռեալն» այս մրցաշրջանից առաջ փորձել է ձեռք բերել Արգենտինայի հավաքականի եւ կատալոնական «Բարսելոնայի» ռմբարկու Լիոնել Մեսիին:
Sport.es-ի համաձայն՝ 26-ամյա ֆուտբոլիստի տրանսֆերն իրականացնելու համար Արքայական ակումբը հայտնել է 250 միլիոն եվրո վճարելու պատրաստակամություն, սակայն արգենտինացին հրաժարվել է հեռանալ «Բարսելոնայից»: «Ռեալի» նախագահ Ֆլորենտինո Պերեսը ցանկացել է Մեսիին դարձնել աշխարհի ամենաբարձր վարձատրվող ֆուտբոլիստը:
Ավելի վաղ հաղորդվում էր, որ «Բարսելոնան» կարող է տրանսֆերի հանել «Ոսկե գնդակի» քառակի դափնեկրին, ում ծառայություններով հետաքրքրված է նաեւ ֆրանսիական ՊՍԺ-ն:
Մեսին ու կատալոնական ակումբը դեռ չեն կարողանում փոխհամաձայնության գալ գործող պայմանագիրը երկարաձգելու հարցում, քանի որ հարձակվողը ցանկանում է աշխատել տարեկան 100 միլիոն եվրո:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։