Կատալոնական «Բարսելոնան» մտադիր է հրաժեշտ տալ իսպանացի դարպասապահ Խոսե Պինտոյին, ում գործող պայմանագրի ժամկետը լրանում է ընթացիկ մրցաշրջանի վերջում:
Sport.es-ի համաձայն՝ եթե կատալոնացիներին հաջողվի չեղյալ հայտարարել ՖԻՖԱ-ի կողմից սահմանված մեկամյա տրանսֆերային արգելքը, ապա 38-ամյա Պինտոն ամռանը կհեռանա թիմից: «Բարսելոնայի» ղեկավարությունն այդ քայլը բացատրում է նրանով, որ Պինտոն չի համապատասխանում կատալոնացիների մակարդակին:
Իսպանիայի ընթացիկ առաջնությունում դարպասապահը մասնակցել է 8 խաղի՝ բաց թողնելով 6 գոլ եւ 3 անգամ անառիկ պահելով դարպասը: Վերջին շրջանում նա փոխարինում է ծնկի լուրջ վնասվածք ստացած Վիկտոր Վալդեսին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։