Իսպանիայի Գավաթի եզրափակիչի ճանապարհը շատ բարդ էր, այդ պատճառով այս տիտղոսը նվաճելը կրկնակի հաճելի էր, ասել է Մադրիդի «Ռեալի» առաջատար Կրիշտիանու Ռոնալդուն: Պորտուգալիայի հավաքականի հարձակվողը մեկնաբանել է ֆուտբոլի Իսպանիայի թագավորական գավաթի եզրափակիչում կատալոնական «Բարսելոնայի» նկատմամբ հաղթանակը, որին նա չմասնակցեց վնասվածքի պատճառով:
«Ռեալն» արժանի հաղթանակ տարավ: Խաղացինք «Բարսելոնայից» լավ, ստեղծեցինք ավելի շատ գոլային պահեր՝ դրանք օգտագործելով ավելի արդյունավետ: Իսպանիայի Գավաթի եզրափակիչի ճանապարհը շատ բարդ էր, այդ պատճառով այս տիտղոսը նվաճելը կրկնակի հաճելի էր: Այժմ պետք է մտածենք Իսպանիայի չեմպիոնական տիտղոսի մասին»,- Ռոնալդուի խոսքը մեջբերում է Goal.com-ը:
Հիշեցնենք, որ Մադրիդի «Ռեալը», ապրիլի 16-ին հաղթելով «Բարսելոնային», 19-րդ անգամ նվաճեց Իսպանիայի թագավորական գավաթը: «Բարսելոնան» Իսպանիայի գավաթակիր դարձել է ռեկորդային 26 անգամ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։