Ռուսական «Կուբանը» ֆինանսական լուրջ խնդիրների պատճառով հայտնվել է սննկացման եզրին: Կրասնոդար քաղաքի թիմը կարող է փակվել, իսկ ֆուտբոլիստները կհանվեն տրանսֆերի, գրում է «Чемпионат»-ը:
«Կրասնոդարի» սեփականատեր Սերգեյ Գալիցկուն առաջարկվել է կրասնոդարյան 2 ակումբները միավորելու եւ «Կուբան-Կրասնոդար» անվանումն օգտագործելու տարբերակը, սակայն ռուս գործարարը հրաժարվել է: Այնուամենայնիվ, Գալիցկին կունենա «Կուբանի» ֆուտբոլիստներին գնելու առաջնային իրավունք:
«Կուբանի» այն ֆուտբոլիստները, ովքեր կմնան առանց ակումբի, կտեղափոխվեն «Ժեմչուժինա-Սոչի», որը հաջորդ մրցաշրջանից հանդես է գալու Ռուսաստանի երկրորդ դիվիզիոնում:
Հիշեցնենք, որ «Կուբանի» սեփականատերը հայ գործարար Օլեգ Մկրտչյանն է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։