Ֆուտբոլի Իտալիայի հավաքականը մարզումային հավաք է անցկացնում Կովերչանոյում: Չեզարե Պրանդելին հրավիրել է 42 ֆուտբոլիստների: Երկրորդ մարզումային օրվանից հետո Պրանդելին հանդիպել է լրագրողների հետ:
«Դուք հասկանում եք, թե ես ինչպես եմ վերաբերվում Ֆրանչեսկո Տոտիին, Լուկա Տոնիին եւ Անտոնիո Դի Նատալեին: Իտալիայում բոլորն են նրանց վերաբերվում մեծ հարգանքով, եւ ես բացառություն չեմ: Իրենց կարիերայով այդ տղաները արժանի են այդպիսի հարգանքի: Բայց պետք է հասկանալ, որ աշխարհի առաջնության մեկնում են ոչ բոլորը: Ֆրանչեսկոն ու Լուկան իրենց հասանելիքը խաղացել են ազգային հավաքականում: Ես չեմ բացառում, որ վնասվածքների դեպքում մենք դիմենք նրանց օգնությանը»,- Պրանդելիի խոսքը մեջբերում է football-italia-ն:
Հունվարի 5-ից վնասվածքի պատճառով խաղից դուրս է Դանիելե Դե Ռոսին, սակայն Պրանդելին չի բացառել նրա մասնակցությունը հունիս-հուլիսին Բրազիլիայում կայանալիք աշխարհի առաջնությանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։