Bild. Արթուր Աբրահամի մարզիչն իսկական պաշտամունք է երկրպագուների համար
20:52 2 ապրիլի, 2014Գերմանական Bild-ն անդրադարձել է պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի նորընծա չեմպիոն Արթուր Աբրահամի մարզիչ Ուլի Վեգների աշխատաոճին:
«Վեգներն իր խռպոտ ձայնով միապետի եւ շոումենի խառնուրդ է հիշեցնում: Այդ որակների շնորհիվ նա չեմպիոն դարձրեց Արթուր Աբրահամին: Հատկապես տպավորիչ է մարզիչի վարքը ռաունդների միջեւ եղած դադարների ժամանակ, երբ նա Աբրահամին փորձում է ներշնչել ռեկորդներ սահմանելու գործում: Հաճախ են երկրպագուները լսում «Դե, իմ տղա, եղիր հնդկացի, ցույց տուր նրան», «Հարվածի՛ր, չկարողանալու միջոցով, հաղթի՛ր, ինքդ քեզ» եւ «Հերիք է նրա մեջքը շոյես, ծեծի՛ր» վանկարկումներ: Երբեմն Վեգների արտահայտություններն ավելի ուժեղ են հարվածում, քան որոշ հարվածներ: Նրա զվարճալի ժեստերը եւ շարժումները դուր են գալիս միլիոնավոր ֆանատների, ովքեր մենամարտերին հետեւում են հեռուստացույցով: Ուլի Վեգներն իսկական պաշտամունք է նրանց համար»,- գրում է Bild-ը:
Հիշեցնենք, որ Արթուր Աբրահամը մայիսի 3-ին Բեռլինում տիտղոսի պաշտպանության մենամարտ է անցկացնելու Չեռնոգորիան ներկայացնող Նիկոլա Սյեկլոցայի հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։