Գեւորգ Ղազարյանը մարզվում է «Մետալուրգի» հետ

Կարագանդայի «Շախտյորի» եւ Հայաստանի հավաքականի կիսապաշտպան Գեւորգ Ղազարյանը մարզվում է Դոնեցկի «Մետալուրգի» հետ, որը հավաք է անցկացնում Թուրքիայում։

25-ամյա կիսապաշտպանը պետք է մասնակցեր ղազախական «Կայրաթի» երկրորդ հավաքին, սակայն հունվարի 28-ին հայտնի է դարձել, որ նա չի միացել Ալմաթիի թիմին։ Դրա փոխարեն Ղազարյանը Թուրքիայում մարզվել է իր նախկին թիմի հետ, որի կազմում խաղացել է 2011-ից 2013-ը։ Այժմ կողմերը բանակցում են պայմանագրի շուրջ, եւ առաջիկա օրերին հայտնի կդառնա ֆուտբոլիստի հետագա ճակատագիրը։

Հիշեցնենք, որ Ղազարյանը դեռ Կարագանդայի «Շախտյորի» ֆուտբոլիստ է, սակայն նա չի ցանկանում կարիերան շարունակել այդ ակումբում։