«Մանչեսթեր Յունայթեդի» 38-ամյա լեգենդ Ռայան Գիգզը մանչեսթերյան դերբիից առաջ վստահություն է հայտնել, որ այս տարի չեմպիոն կհռչակվի Ալեքս Ֆերգյուսոնի թիմը:
«Ժամանակն է ցույց տալ, թե ով է առաջինն Անգլիայում: Իհարկե, «Սիթին» տանն է խաղալու եւ անելու է հնարավոր ամեն ինչ մեզ հաղթելու համար: Նրանք հրաշալի հարձակողական ֆուտբոլ ցուցադրող գերազանց թիմ ունեն:
Բայց մենք «Մանչեսթեր Յունայթեդն» ենք, մենք չեմպիոն ենք, այս տարի եւս մենք արժանի ենք չեմպիոնության: «Յունայթեդը» փորձառու թիմ է, եւ մենք պետք է օգտագործենք այդ փորձը, եթե ցանկանում ենք հաղթել «Սիթիին»:
Ֆուտբոլում ինձ մինչեւ հիմա պահում է այս կարգի վճռական հանդիպումների լարվածության զգացողությունը: Հույս ունեմ, որ այսօր կկարողանամ օգուտ տալ «Յունայթեդին», - Գիգզի խոսքը մեջբերում է The Sun-ը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։