Դեւիդ Բեքհեմին սպասում են Լոնդոնի Օլիմպիական խաղերում

Ֆուտբոլի Մեծ Բրիտանիայի օլիմպիական հավաքականի գլխավոր մարզիչ Ստյուարտ Պիրսը հաջորդ շաբաթ կմեկնի Լոս Անջելես եւ հանդիպում կունենա «Գելաքսիի» կիսապաշտպան Դեւիդ Բեքհեմի հետ։

36-ամյա ֆուտբոլիստին ցանկանում են տեսնել Լոնդոնի Օլիմպիական խաղերում, որտեղ Անգլիան, Շոտլանդիան, Ուելսը եւ Հյուսիսային Իռլանդիան հանդես կգան միասնական բրիտանական հավաքականով։

Անգլիական ֆուտբոլի վետերանը հավաքականի ընդլայնված կազմում է, սակայն հայտացուցակը պետք է կրճատել մինչեւ 18 խաղացողների։ 23-ից բարձր տարիք ունեցող ֆուտբոլիստներին հատկացված է երեք տեղ։ Պիրսը պետք է գնահատի Բեքհեմի մարզավիճակը։ Ֆուտբոլիստը ցանկություն ունի հանդես գալ Օլիմպիական խաղերում, հաղորդում է АР-ն։