Բալոտելին կմասնակցի Եվրո-2012-ին
21:26 23 ապրիլի, 2012Իտալիայի գլխավոր մարզիչ Չեզարե Պրանդելին հայտարարել է, որ երբեք լրջորեն մտադիր չի եղել թիմից հեռացնել Մարիո Բալոտելիին:
Հիշեցնենք, որ «Մանչեսթեր Սիթիի» հարձակվողն ազգային հավաքականից դուրս մնաց, երբ «Տոտենհեմի» հետ խաղում կանգնեց Սկոտ Պարկերի գլխին: Այն ժամանակ Պրանդելին հայտարարեց, որ իրեն պետք չէ ֆուտբոլիստ, որն ամեն վայրկյան կարող է կարմիր քարտ վաստակել: Այժմ իտալացի մարզիչը կարծում է, որ Բալոտելին անպայման պետք է հանդես գա Եվրո-2012-ում:
«Ես երբեք լրջորեն մտադիր չեմ եղել Եվրոպայի առաջնության մեկնել առանց Բալոտելիի: Նա մեր թիմի առանցքային ֆիգուրներից է: Ես Բալոտելիի հետ հաշտվել եմ: Կարելի է ասել, որ չեմ եմ ընդհարվել», - Պրանդելիի խոսքը մեջբերում է BBC-ն:
Անգլիայի առաջնությունում Բալոտելին այժմ որակազրկված է` «Արսենալի» հետ խաղում կարմիր քարտ ստանալու համար:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։