Ադրիանոն դատի կտա «Կորինթիանսին»
18:37 23 ապրիլի, 2012«Կորինթիանսի» հետ պայմանագիրը խզած 30-ամյա բրազիլացի հարձակվող Ադրիանոն պատրաստվում է դատի տալ նախկին ակումբին: Ադրիանոյի խոսքով, նա պատանդ է եղել «Կորինթիանսում», ինչի պատճառով չի կարողացել մարզավիճակ պահել: Ավելորդ անձնական քաշի խնդիր ունեցող ֆուտբոլիստին ստիպել են մեկ շաբաթ մարզվել հատուկ ծրագրով:
«Ես օրինական միջոցներ կձեռնարկեմ «Կորինթիանսի» դեմ: Մեկ շաբաթ ես բանտում էի: Ես չցանկացա այդպես շարունակել: Դա պատիժ էր: Ինձ նվաստացած եմ զգում», - հայտարարել է Ադրիանոն Globo TV-ի եթերում:
Չնայած վերջին անհաջողություններին, ֆուտբոլիստը մտադիր է բարելավել մարզավիճակը եւ վերադառնալ Բրազիլիայի հավաքական:
«Ամեն ինչ կախված է ինձնից: Ադրիանոն միշտ կլինի Ադրիանո: Հուսով եմ պայմանագիր կնքել «Ֆլամենգոյի» հետ եւ իրականացնել երազանքս, վերադառնալ հավաքական», - ասել է Ադրիանոն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։