Քրիստինե Հարությունյանը` Լոնդոնի Օլիմպիական խաղերի մասնակից
13:14 23 ապրիլի, 2012Գյումրեցի նիզականետորդ Քրիստինե Հարությունյանը նվաճեց Հայաստանի հերթական օլիմպիական ուղեգիրը: Սոչիում անցկացված աթլետիկայի Ռուսաստանի առաջնության նետորդների մրցաշարում Քրիստինե Հարությունյանը ցույց տվեց 59 մետր 12 սանտիմետր արդյունք եւ 12 սմ գերազանցեց օլիմպիական մասնակցության նորման:
Քրիստինե Հարությունյանը Եվրոպայի չգերազանցված ռեկորդակիր, հեռացատկորդ Ռոբերտ Էմմիյանի անվան մարզադպրոցի սան է, 21 տարեկան է: Նրա մարզիչներն են Յաշա Եղիազարյանը եւ Իվան Սաֆոնովը, հաղորդում է ՀԱՕԿ-ի մամուլի քարտուղարությունը:
Հայաստանը Լոնդոնի Օլիմպիական խաղերի աթլետիկայի մրցաշարում կներկայացնի նաեւ գյումրեցի նիզականետորդ Մելիք Ջանոյանը:
Հայաստանը առայժմ ունի օլիմպիական խաղերի 18 ուղեգիր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։