Գվարդիոլա. Շնորհավորում եմ «Ռեալին» չեմպիոնության կապակցությամբ

«Բարսելոնայի» գլխավոր մարզիչ Խոսեպ Գվարդիոլան Իսպանիայի առաջնության 34-րդ տուրի՝ «Ռեալի» հետ հանդիպումից հետո շնորհավորել է Արքայական ակումբին հաղթանակի կապակցությամբ:

«Շնորհավորում եմ «Ռեալին» հաղթանակի եւ չեմպիոնության կապակցությամբ: Մենք ցանկանում էինք մրցակցի դարպասը գրավել առաջին խաղակեսում, սակայն գոլ բաց թողեցինք: Ընդմիջումից հետո փոխեցի տակտիկան: Կարծում եմ՝ մենք այսօր լավ ֆուտբոլ խաղացինք եւ մի շարք վտանգավոր պահեր ստեղծեցինք: Գրոհների ժամանակ լավ էինք գործում, սակայն Տոլյոն ու Ալվեշը երբեմն թերանում էին: Մեծ հաշվով մրցակիցն ավելի լավ խաղաց, չնայած վերջին 5-7 րոպեներին մենք անում էինք այն ամենը, ինչ ցանկանում էինք: Հիմա պետք է կենտրոնանալ «Չելսիի» հետ հանդիպման վրա»,- Գվարդիոլայի խոսքը մեջբերում է AS-ը: